😞😞ඔබත් ආදරයෙන් පැරදුනා ද??? 😒😒

ආදරය කියන වචනෙ ඇතුළෙ ලොකු තේරුමක් තියෙනවා.ඒත් ඒ තේරුම ගොඩක් අය තේරුම් ගන්නෙ වැරදියට.ඒ හින්ද අද ගොඩක් දෙනා ආදරයට වෛර කරනවා.

සමහරු ඒ හින්ද විඳවනවා.ඒත් සමහරු ඒ යථාර්ථය තේරුම් අරගෙන හිත හදාගන්නවා.අන්න ඒක තමයි වෙන්න ඕනි.අපි කරපු පව් පින්වලට අනුව අපිට මනුෂ්‍ය ආත්මයක් ලැබිල තියෙනවා.ඉතින් ඒක මේ ආදරයක් හින්දා විනාශ කරගන්න ඕනි නෑනෙ.මොකද අපිට ජීවිතේ කරන්න වැඩ තියෙනවා.දාල ගිය අය ගැන හිත හිත බොරුවට ඇඬුව කියල ලැබෙන දෙයක් නෑ.මම කියන්නෙ නෑ තමන් ආදරේ කරපු කෙනා දාල ගියාම දුකක් නෑ කියල.ඒ හින්ද අඬන්න.ඇති තරම් අඬන්න.හැබැයි උපරිම දවස් තුනයි.අඬල අඬල හිත හදාගෙන දුක නැති කරගන්න.

මොකද එයාට එපා නිසානෙ ගියෙ.ඒ හින්ද ආදරේ ඉල්ලගෙන පස්සෙන් ගිහින් ආදරේ බාල්දු කරගන්න එපා.ඔයාට පුලුවන් වෙන්න ඕනි හිතට කියාදෙන්න තවත් ඒ ගැන කල්පනා කරල තේරුමක් නෑ කියල.යන අයට යන්න දෙන්න ඕනි කියනවනෙ.බලෙන් තියාගෙන මොනව ලබාගන්නද?ඉතින් එයාව අමතක කරල දාන්න.ඔයා ජීවිතේ වැඩ පටන් ගන්න.කවදහරි එයාට දැනෙන්න දෙන්න ඕනි එයා ඔයාව අත ඇරල නැති කරගත්තෙ මැණිකක් කියල.ඒක පලිගැනීමක් නෙවෙයි.අපේ හිත හදාගන්න කරන්න පුලුවන් එකම දේ ඒක තමයි මම හිතන විදියට.

ඒ හින්ද ඒ හැම මතකයක් ම හිතෙන් අයින් කරල පුලුවන් තරම් වැඩ කරන්න ජීවිතේ වෙනුවෙන්.අම්මා තාත්තා වෙනුවෙන් වැඩ කරන්න.හැම වෙලේම බිසී වෙන්න.ඔයාව වට්ටන්න කාටවත් බෑ කියල ලෝකෙට පෙන්නන්න.අද සමාජෙ මිනිස්සු කැමතියි මිනිස්සුන්ට වැරදුනා ම හිනා වෙන්න.ඒත් ඔයා ඒ දේ නොවෙන්න වැඩ කරන්න.ඉලක්කයක් හදාගන්න ජීවිතේට මන් කවදහරි හොඳ තැනකට යනවා කියල.ඒ බලාපොරොත්තුව ම ඇති ඔයාගෙ හීනෙ හැබෑ කරගන්න.

ඉතින් ජීවිතේ අලුතින් පටන් ගන්න.ලොකෙ දිනන්න නම් වැඩ කරන්න ඕනි.පුලුවන් තරම් ඒ වෙනුවෙන් මහන්සි වෙන්න.දාල ගිය අයව ආයෙ ජීවිතේට ලං කරගන්න එපා.ඒ ගැන හිතන්නවත් එපා.ලොකු වරදක් උනේ.ආයෙ ඒ වැරැද්ද වෙන්න දෙන් නෑ කියල හිතට කියන්න.ඒව අදාළ ම නෑ.ඒක ඉවරයි.අපිට ඊට වඩා වැඩ තියෙනවා.ඔහොම හිතන්න.

එතන තමයි ඔයාගෙ ජයග්‍රහණය තියෙන්නෙ.ලැබෙන්න ඉන්න කෙනා ඔයාට ලැබෙයි.ඒව පස්සෙ.ඒ හින්ද ගිය අය වෙනුවෙන් නෙවෙයි තමන් ළඟ ඉන්න අය වෙනුවෙන් වැඩ කරන්න.ඔයාගෙ ඉලක්කෙ හදාගන්න ඒ වෙනුවෙන්.මොකද කවදහරි  පසුතැවෙන්න වෙන්නෙ නෑ එතකොට.නැති වුණු ඒවා ජීවිතේට පාඩමක් කරගන්න.ඒ විදියට කළොත් නම් ජීවිතේ ආයෙ කවදාවත් වරදින්නෙ නෑ.කරල ම බලන්න.උත්සාහය, කැපවීම තියෙනවා නම් මේ ඕන දෙයක් "Nothing is Impossible" තමයි.....😉😉😉

(2018/05/31)
(දිනිති හසින්තා)