💜හිමි වේද අහිමි වේද - මිරිඟුවකි ආදරය.💜

සිහිනෙන් පවා නුඹෙ රූපේ පෙනෙනකොට,

හදවත කිති කැවී යයි ඒ මොහොතෙ මට,
හමුවන්නට නොහැකි වුවත් විටින් විට,
සැමදා නුඹ ලඟයි වාගේ දැනෙයි මට...

සුදු කොට ගවුම ඇඳලා නුඹ ගුරු පාරේ,
යන සැටි බලා සිටියා ඔබ දන් නෑනේ,
ඔබෙ දඟකාරකමටයි මා සිත බැඳුනේ,
නොපතමි අන් කෙනෙක් නුඹ හැර මේ සසරේ...

නුඹ තාමත් පාසල් වියේ හින්දා මා,
ඉවසා සිටිමි දුක් ළතැවුල් වී නොපමා,
නුඹගේ ජය යි සැමදා මේ හද පැතුමා,
එන්නම් දිනෙක පිළිගන්නට සොඳුරිය මා...

නුඹට වඩා මා වයසින් වැඩි වුව ද,
එය නොම වේය අපි දෙන්නට නම් බාද,
සෙනෙහස තිබේනම් හදවත් තුළ නොමද,
එක්වෙමු සදා පතමින් ඒ රුව මහද...

නුඹ ඉගෙනුම් අහවර කර පැමිණි විට,
එන්නෙමි නුඹ ව දැකගන්නට විගසකට,
දන්නෙමි නුඹේ ගෙදරින් නැත අවසරය,
එනමුදු සදා අත් නොහරිමි මා නුඹව...

පැතුමන් දරා සිටියත් මේ හද ගැබෙහී,
අවසන කුමක් වේදැයි මේ අප නොදනී,
එනමුදු නොවේවා වෙනසක් නුඹෙ හදෙහී,
නුඹ මා පතා සිටියොත් මට එය ම ඇතී...

(පද රචනය - දිනිති හසින්තා)
        (2018/07/02)